पाठ एघार

वर्षाः हाल तपाईं व्यस्त हुनुहुन्छ कि भन्ने वाक्यलाई चिनियाँ भाषामा "नि चुई चिन मांग मा?" भन्नुपर्छ।

कमलः नि चुई चिन मांग मा?

वर्षाः "चुई चिन" भनेको हाल हो।

कमलः चुई चिन।

वर्षाः "मांग"को अर्थ व्यस्त भन्ने हो।

कमलः मांग।

वर्षाः तपाईंको रुची के छ भन्ने वाक्यलाई चिनियाँ भाषामा "नि त आई व्हाउ श् शन मो" भन्नुपर्छ।

कमलः नि त आई हाउ श् शन मो?

वर्षाः "आई हाउ" भनेको रुची हो।

कमलः आई हाउ।

वर्षाः नि त आई व्हाउ श शन मो?

कमलः नि त आई व्हाउ श शन मो?

वर्षाः तपाईं किताब पढ्न मन पराउनुहुन्छ भने "वो शी व्हान खान शु" भन्ने जवाफ दिनसक्नु हुन्छ।

वर्षाः "शी व्हान"को अर्थ मन पराउनु हो।

कमलः शी व्हान।

वर्षाः "खान शु" भनेको किताब पढ्नु हो।

कमलः खान शु।

वर्षाः वो शी व्हान खान शु।

कमलः वो शी व्हान खान शु।

वर्षाः साताको विदामा तपाईं के-के गर्नुहुन्छ भन्ने वाक्यलाई चिनियाँ भाषामा "चौ म नि यि पान तौ कान शन मो भन्नुपर्छ।

कमलः चौ म नि यि पान तौ कान शन मो?

वर्षाः "चौ म" भनेको साताको अन्तिम दिन अर्थात विदाको दिन हो।

कमलः चौ म।

वर्षाः "यि पान"को अर्थ सामान्य रुपमा भन्ने हो।

कमलः यि पान।

वर्षाः "कान शन मो" को अर्थ के गर्नु हो।

कमलः कान शन मो।

वर्षाः अब आजका पूरै वार्तालाप सुनौं।

वार्तालाप एक

कः नि चुई चिन मांग मा?

खः वो हन मांग।

कः मांग शन मो?

खः कुंग चो।

वार्तालाप दुइ

कः नि त आई हाउ श शन मो?

खः वो शी व्हान खान शु। नि न? नि यौ शन मो आई व्हाउ?

कः वो शी व्हान ल्वी यौ।

वार्तालाप तीन

कः चौ म नि यि पान तौ कान शन मो?

खः ता वांग छ्यौ।

वर्षाः अब चिनियाँ संस्कृतिबारे संक्षिप्त जानकारीः

कमलः अधिकांश चिनियाँहरु आफ्नो इज्जतलाई ठूलो महत्व दिन्छन। यो कुनै एकजना मान्छेको प्रतिष्ठा र व्यक्तिगत कुरासँग सम्बन्धित छ। विगत लामो समयदेखि चिनियाँहरुमा कम्फ्युसियसको धारणाको प्रभाव पर्दैआएको छ। यस धारणामा शान्तिपूर्ण सह-अस्तित्वको सिद्धान्त छ। त्यसैले अरु मान्छेको इज्जतको संरक्षण गर्नु नै व्यवस्थित बन्ने एउटा मुख्य तरिका हो। चिनियाँहरु आफ्ना साथी गलत भए तापनि सिधै आरोप लगाउँदैनन। अरुको इज्जतको संरक्षण गर्नु नै अर्काको कदर गर्ने तरिका हो। त्यसैले चिनियाँहरुको इज्जतको संरक्षण गर्न नबिर्सनुहोस।

वर्षाः हवस्त, आजको पाठ यहीं पूरा हुन्छ। अन्तमा तपाईंलाई एउटा सानो प्रश्नः तपाईंको रुची के हो भन्ने वाक्यलाई चिनियाँ भाषामा कसरी भन्ने?

कमलः यसको उत्तर हामीलाई इ-मेल वा पत्रबाट पठाउनोस। हाम्रो ठेगाना हो Nepali service, CRI-6,China Radio International, P.O. Box 4216, Beijing, P.R. China वा सी.आर.आई. पोष्ट बक्स नँ-405 मा पठाउनसक्नुहुन्छ।

वर्षाः यसबारे अझ बढी जानकारी लिनका लागि हाम्रो वेभ-साइट https://nepal.cri.cn मा लग गर्नुहोस। आजको कार्यक्रमबाट विदा दिनुहोस, नमस्ते।

कमलः चाई चेन।