राष्ट्राध्यक्ष सी चिनफिङ चिनियाँ संस्कृतिका प्रथम प्रवक्ता कसरी बन्नुभएको छ
हरेक वर्षको मे १८ तारिख अन्तर्राष्ट्रिय सङ्ग्रहालय दिवस हो। सङ्ग्रहालय संस्कृतिको सङ्ग्रह, प्रदर्शन र निरन्तरताको महत्वपूर्ण माध्यम हो। चीनका सर्वोच्च नेता तथा राष्ट्राध्यक्ष सी चिनफिङले सांस्कृतिक अवशेष कार्य र सांस्कृतिक निरन्तरतामा महत्व दिने गर्नुभएको छ। उहाँले धेरै पटक सङ्ग्रहालयहरूको अवलोकन पनि गर्नुभएको छ।
राष्ट्राध्यक्ष सी चिनफिङको गहिरो ऐतिहासिक दृष्टिकोण, गहिरो ऐतिहासिक ज्ञान, गहिरो ऐतिहासिक विचार छ।
सन् २०१४ फेब्रुअरीमा सी चिनफिङले राजधानी सङ्ग्रहालयमा पैचिङ इतिहासको प्रदर्शनी अवलोकन गर्नुभएको थियो। उहाँले सांस्कृतिक अवशेषमार्फत ऐतिहासिक ज्ञानलाई आममानिसहरूलाई सुनाउन जोड दिनुभएको छ।
सन् २०१५ फेब्रुअरीमा राष्ट्राध्यक्ष सीले सीआन सङ्ग्रहायको अवलोकन गर्दै एउटा सङ्ग्रहालय विश्वविद्यालयजस्तै भएको बताउनुभएको थियो।
सन् २०१७ अप्रिलमा सी चिनफिङले क्वाङसी च्वाङ जातीय स्वायत्त प्रदेशको निरीक्षण गर्नुभएको थियो। उहाँले हफु नामक हान वंशीय सांस्कृतिक सङ्ग्रहालयमा समुद्री रेशम मार्गको सांस्कृतिक अवशेष प्रदर्शनीको अवलोकन गर्नुभएको थियो।
चीन र अन्य देशका सभ्यताबीच आपसी सहिष्णुता, सिकाइ र सञ्चारको प्रवर्द्धन गर्ने कुरामा पनि राष्ट्राध्यक्ष सीले जोड दिनुभएको छ।
सन् २०१४ नोभेम्बर १३ तारिखमा राष्ट्राध्यक्ष सी र मेक्सिकोका राष्ट्रपतिले राष्ट्रिय सङ्ग्रहालयमा आयोजित "माया: सौन्दर्यको भाषा" शीर्षक सांस्कृतिक प्रदर्शनीको उद्घाटन समारोहमा भाग लिनुभएको थियो। सी चिनफिङ र उहाँकी श्रीमती फङ लियुआनले मेक्सिकोका राष्ट्रपति दम्पति सँगसँगै प्रदर्शनीको अवलोकन गर्नुभएको थियो।