तेक्वान्दो खेलाडी वु चिङ युको कथा-२

सन् २०२१ को जुलाई २४ तारिख टोकियो ओलम्पिक खेलकुदको पहिलो दिन थियो। ३४ वर्षीय वु चिङ युले फेरि तेक्वान्दो प्रतियोगितामा भाग लिइन्। उनी ओलम्पिक खेलकुदको तेक्वान्दो प्रतियोगितामा चार पटक भाग लिने पहिलो महिला खेलाडी बनेकी छिन्। तथापि तेक्वान्दो खेलको महिलातर्फको ४९ केजीको क्वाटर फाइनलमा उनलाई २ को विरुद्ध ३३ अंकमार्फत स्पेनकी खेलाडी आदरिआननाले हराइन्।

प्रतियोगिता सम्पन्न भएको केही घण्टापछि वु चिङ युले शान्त भएर भिडियो फोन गर्छिन्। पर्दामा चार वर्षीय छोरीले आमाका लागि ओलम्पिक खेलकुद महत्वपूर्ण रहेको नबुझेर आफ्नो साथमा आमा देखेकोमा खुसी व्यक्त गर्छे। छोरी भन्छे, “आमा म तपाईँलाई धेरै सम्झन्छु, तपाईँ छिटै फर्कनुहोस्। मलाई बुवासँग सुत्न मन लाग्दैन।”

छोरीको खुसीयाली अनुहार हेर्दा वु चिङ यु पनि हाँस्छिन्। दुई दिनपछि छोरीको जन्म दिवस हो। उनले टोकियो ओलम्पिक खेलकुदको स्वर्ण पदकलाई छोरीको जन्मदिवसको उपहार बनाउन चाहेकी थिइन्, तथापि त्यो सपना पूरा भएन।

जुलाई २४ तारिख वु चिङ युले डायरीमा लेख्छिन्, “रात लामो छ। दुध पनि गुलियो छ। पदक पाएमा अरु राम्रो हुनसक्थ्यो। तथापि जीवन यस्तै हो, धेरै राम्रो कुरा हुँदैन। अबदेखि आफ्नो भूमिका परिवर्तन गरेर मुलुक र परिवारकालागि भावी योजना बनाउनुपर्छ। जीवनले निरन्तरता पाउनेछ।”