सगरमाथा क्षेत्रमा हिमपात

त्यस्तै कर्णाली तथा सुदूरपश्चिम प्रदेशका विभिन्न भेगमा भने हल्का वर्षाको सम्भावना रहेको मौसमविद् गङ्गा नगरकोटीले बताउनुभयो । तराईको मधेश र लुम्बिनी भने बुधबारसम्म पनि सुक्खा रहने भएको छ । त्यहाँ मङ्गलबार हावाहुरी आउने सम्भावना रहेको महाशाखाले जनाएको छ । बुधबार रातिपछि भने तराईका केही भूभागमा हल्का वर्षाको सम्भावना रहेको जनाइएको छ ।

काठमाडौँ उपत्यकामा भने आइतबार साँझ हल्का वर्षा भयो । सोमबार, मङ्गलबार र बुधबार पनि केही भूभागमा हल्कादेखि मध्यम वर्षाको सम्भावना रहेको छ ।

आइतबारदेखि सोमबार साँझसम्मको अवस्था हेर्दा कोशी, बागमती, गण्डकीका केही स्थानमा मध्यम वर्षा रेकर्ड भएको छ । जस अनुसार सबैभन्दा धेरै कास्की छुमरुङमा ३० मिलिमिटर, कास्कीकै ज्यामिरेमा २२ मिलिमिटर, धनकुटामा १७.८ मिलिमिटर र म्याग्दीको तातोपानीमा १३ मिलिमिटरसम्मको मध्यम वर्षा रेकर्ड भएको मौसमविद् नगरकोटीले जानकारी दिनुभयो ।

अन्यत्र भने फाटफुटदेखि हल्कासम्मको वर्षा रेकर्ड भएको छ । वर्षाको क्रम पश्चिमदेखि पूर्वसम्म पुग्दा करिब पाँच दिन कायम रहने जनाइएको छ ।