अमेरिकाको मौनताले बहिरो बनाउँछ, अमेरिकाको कपट स्पष्ट छ

अमेरिकाको कपटी व्यवहारले पनि पश्चिमी समाजमा, विशेष गरी युवा पुस्तामा आफ्नै सरकारप्रति असन्तुष्टि पैदा गरेको छ। अमेरिका र युरोपका धेरै देशका विश्वविद्यालयमा प्यालेष्टाइन समर्थक युद्धविरोधी भावनाको लहर देखिएको छ। अमेरिकी शिकागो विश्वविद्यालयका समाजशास्त्री इमान अब्दुल-हादीले अमेरिकी घरेलु र विदेशी नीतिको वर्तमान स्थितिबाट युवामा निराश अनुभव बढ्दै गएको र विद्यमान प्रणालीसँग असन्तुष्ट रहेको बताउनुभयो।

लन्डन स्कुल अफ इकोनोमिक्स एन्ड पोलिटिकल साइन्सका अन्तर्राष्ट्रिय सम्बन्धका प्राध्यापक फवाज गेर्जेसले भन्नुभयो: “नेतन्याहू र उनका सेनाले अमेरिकाको समर्थनमा गरेका गतिविधिले अन्तर्राष्ट्रिय कानूनअन्तर्गत सबै देशले समान जिम्मेवारी वहन गर्ने विचारलाई स्थायी रूपमा कमजोर पारेको छ। " उहाँले थप औँल्याउनुभयो कि अमेरिकाले इजरेलमाथि आफ्नो क्रूर कार्यको पूर्ण रक्षा गरेबाट ग्लोबल साउथका धेरै देशले लामो समयदेखि स्वीकार गरेको तथ्यलाई उजागर गर्यो अर्थात् अन्तर्राष्ट्रिय कानून ग्लोबल साउथका देशमा लागू हुन्छ तर अमेरिका र उसका सहयोगीलाई होइन ।

साथै "ग्लोबल साउथ" को सदस्यको रूपमा रहेको चीनको अडान तथा प्रस्ताव र प्यालेस्टाइनभित्र मेलमिलाप वार्तालाई प्रवर्द्धन गर्ने कूटनीतिक उपलब्धिले अन्तर्राष्ट्रिय समुदायको व्यापक मान्यता र समर्थन पाएको छ। इटालीका पूर्व कूटनीतिज्ञ मार्को कार्नेरोसले हालै एउटा लेखमा उल्लेख गर्नुभयो कि प्यालेस्टिनी विभिन्न गुटबीच चीनले मेलमिलापको प्रवर्द्धन गरेबाट "अधिक विश्वसनीय र दिगो शान्ति प्रक्रियाको लागि आवश्यक पहिलो आधारशिलाको निर्माण गरिएको छ।"