चिनियाँ शैलीको आधुनिकीकरण संयुक्त निर्माण, साझेदारी र जीत-जीतको आधुनिकीकरण हो

चीनका वार्षिक दुई अधिवेशन हालै सम्पन्न भएका छन्। विश्वले चीन हेर्ने महत्वपूर्ण झ्यालको रूपमा रहेका दुई अधिवेशनले विश्वको ध्यान तानिरहेका छन्। यस वर्षको दुई अधिवेशनमा चर्चित नयाँ गुणस्तरीय उत्पादन शक्ति, उच्च गुणस्तरीय विकास, सुधार तथा खुलापनलाई गहन पार्ने, उच्च गुणस्तरीय वैदेशिक खुलापनलाई विस्तृत पार्ने विषयबाट चुनौतीको सामना गर्ने चीनको विश्वास र विश्वसँग विकास अवसर बाँड्ने र मिलेर विकास गर्ने कारवाही तथा जिम्मा पनि देखाइएको छ।

अराजकतासँग गाँसिएको अन्तर्राष्ट्रिय स्थितिमा सन् २०२३ मा चीनको आर्थिक विकासले राम्रो उपलब्धि हासिल गरेको छ। प्रतिवेदनका अनुसार, सन् २०२३ मा चीनको आर्थिक अवस्था समग्र रूपमा राम्रो देखिन्छ, यस क्रममा जीडीपी १२६० खर्ब चिनियाँ युआन पुगेको छ भने वृद्धि दर ५.२ प्रतिशत पुगेको छ जुन विश्वका प्रमुख आर्थिक समूहहरूमध्ये अग्रस्थानमा रहेको छ। ठाडो रूपमा हेर्दा गत वर्ष चीनको आर्थिक तथा सामाजिक विकासको मुख्य सूचक सन् २०२२ को तुलनामा स्पष्ट रूपमा सुधार भएको छ। तेर्सो रूपमा हेर्दा विश्व जगतमा चीनको आर्थिक अवस्था पनि निकै उत्कृष्ठ देखिएको छ। सन् २०२३ मा चीनको आर्थिक वृद्धि दरले विश्वको ३ प्रतिशतको अपेक्षित वृद्धि दरलाई नाघेको छ भने विश्वका मुख्य आर्थिक समूहहरूमा अग्रस्थानमा रहेको छ। अन्तर्राष्ट्रिय वित्तीय मञ्चको प्रतिवेदनका अनुसार, सन् २०२३ मा विश्व आर्थिक वृद्धिमा चीनको योगदान दर ३२ प्रतिशत पुगेको छ भने विश्व आर्थिक वृद्धिको सबैभन्दा ठूलो इन्जिन बनेको छ।

वास्तवमा, विश्वको सबैभन्दा ठूलो विकासोन्मुख मुलुकको रूपमा रहेको चीनले सधैँ विश्व विकासमा योगदान दिने प्रतिबद्धता जनाएको छ। चीनले विश्वका विभिन्न मुलुकसँग मिलेर विकास गर्ने प्रयास गरिरहेको छ। चीनले आफूलाई विकास गर्नुका साथै आफ्नो विकास उपलब्धिको आधारमा विश्वको समृद्धि र स्थिरतालाई बढाएर विश्व विकास समुदायको रचना गर्न अडिग छ। चीनले प्रयास गरी १.४ अर्ब चिनियाँ जनतालाई फाइदा पुर्याउनुका साथै विश्व विकास कार्यलाई पनि योगदान गरेको छ। विश्व आर्थिक विकासमा चीनको योगदान दर ३० प्रतिशतभन्दा बढी पुगेको छ भने विश्वको गरिबी निवारणमा चीनको योगदान दर ७० प्रतिशतभन्दा बढी छ। चीनले १६६ वटा मुलुक र अन्तर्राष्ट्रिय संगठनलाई विकास उद्धार प्रदान गर्नुबाहेक १२० भन्दा बढी विकासोन्मुख मुलुकलाई संयुक्त राष्ट्र संघीय सहस्राब्दी विकास लक्ष्यको समर्थन गरेको छ। हालसम्म वेल्ट एन्ड रोड इनिशिएटिभमा विश्वका तीन चौथाइ मुलुकको सहभागिता छ भने लगभग दशौँ खर्ब अमेरिकी डलरको लगानी आकर्षित गरेको छ। साथै ३००० भन्दा बढी सहयोग कार्यक्रमको स्थापना गरी वेल्ट एन्ड रोड वरिपरिका मुलुकलाई ४.२ लाख रोजगार प्रदान गरेको छ र करोडौँ गरिब मानिसको गरिबीलाई निवारण गर्न सहयोग गरेको छ।