सी चिनफिङद्वारा जी २०को १९औँ शिखर सम्मेलनलाई महत्वपूर्ण सम्बोधन

स्थानीय समयअनुसार, १८ तारिख बिहान चीनका राष्ट्राध्यक्ष सी चिनफिङ ब्राजिलको रियो दि जेनेरियोमा जी २०को १९औँ शिखर सम्मेलनमा उपस्थित हुनुभएको छ। “भोक र गरिबीसँग लड्ने” विषयबारे छलफल गर्दै सी चिनफिङले “साझा विकासको न्यायपूर्ण संसार निर्माण” शीर्षकमा महत्वपूर्ण सम्बोधन पनि गर्नुभएको छ।

सो अवसरमा सी चिनफिङले भन्नुभयो: साझा विकासको न्यायपूर्ण संसारको निर्माण गर्न हामीले व्यापार लगानी, विकास सहयोगलगायत क्षेत्रमा स्रोत लगानी बढाउनुका साथै सहयोगलाई प्रवर्द्धन गर्नुपर्छ, दिगो उत्पादन र जीवनशैली अपनाउन र जलवायु परिवर्तनको उचित रूपमा सामना गरी पारिस्थितिक सभ्यता निर्माण गर्न विकासोन्मुख मुलुकलाई समर्थन गर्नुपर्छ, खुला, समावेशी र भेदभावरहित अन्तर्राष्ट्रिय आर्थिक सहयोगको वातावरण सिर्जना गरी उत्तर र दक्षिणबीचको खाडललाई कम गर्नुपर्छ, बहु-पक्षीयवादमा अडिग रहनुपर्छ।

सी चिनफिङले चीन सधैँ ग्लोबल साउथको सदस्य, विकासोन्मुख मुलुकको भरपर्दो दीर्घकालीन साझेदार, विश्वव्यापी विकासको समर्थन गर्ने कार्यकर्ता भएको भन्दै आधुनिकीकरण हासिल गर्न विकासशील मुलुकसँग मिलेर काम गर्ने इच्छा चीनले लिएको दोहोर्याउनुभयो।

सी चिनफिङले चीनले विश्वव्यापी विकासलाई सहयोग पुर्‍याउने आठवटा कदमहरूको घोषणा पनि गर्नुभयो अर्थात् एक, उच्च गुणस्तरको "बेल्ट एण्ड रोड" निर्माण गर्न त्रि-आयामिक अन्तरसम्बन्ध सञ्जाल निर्माण गरी हरित सिल्क रोडको नेतृत्वमा डिजिटल सिल्क रोडलाई सशक्त बनाउने छ। दुई, विश्वव्यापी विकास पहल लागू गरी ग्लोबल साउथ अनुसन्धान केन्द्र निर्माण गर्नुका साथै गरिबी न्यूनीकरण, खाद्य सुरक्षा, डिजिटल अर्थव्यवस्था र अन्य क्षेत्रका व्यावहारिक सहयोगलाई गहिरो बनाउन विकासशील मुलुकलाई समर्थन जारी राख्नुपर्छ। तेस्रो, अफ्रिकाको विकासलाई समर्थन गर्छ। चौथो, गरिबी न्यूनीकरण र खाद्य सुरक्षामा अन्तर्राष्ट्रिय सहयोगलाई समर्थन गर्छ। पाँचौँ, चीनले ब्राजिल, दक्षिण अफ्रिका र अफ्रिकी संघसँग संयुक्त रूपमा "खुला विज्ञान अन्तर्राष्ट्रिय सहयोग पहल" को शुरुवात गरी विश्वव्यापी दक्षिणलाई विश्वव्यापी वैज्ञानिक र प्राविधिक नवाचार उपलब्धिको बढी फाइदा पुर्याउन सहयोग बढाउँछ। छैठौँ, विश्वव्यापी दक्षिणलाई फाइदा पुर्‍याउने व्यावहारिक सहयोग गर्न जी २० लाई समर्थन गर्छ, पैचिङमा जी २० उद्यमशीलता अनुसन्धान केन्द्रको कामलाई समर्थन गर्छ र डिजिटल शिक्षा, सङ्ग्रहालय डिजिटाइजेसन, र पुरातन पुस्तक डिजिटाइजेसनका क्षेत्रमा सहयोग गर्न सबै पक्षलाई समर्थन गर्छ। सातौँ, जी २० को "भ्रष्टाचार विरोधी कार्य योजना" लाई कार्यान्वयन गर्नुका साथै विकासोन्मुख देशसँग फरार व्यक्तिलाई पछ्याउने र चोरीको सम्पत्ति फिर्ता गर्ने, भ्रष्टाचारीको सुरक्षित आश्रयलाई अस्वीकार गर्ने, र भ्रष्टाचार विरोधी क्षमता निर्माण गर्ने जस्ता क्षेत्रमा सहयोग सुदृढ पार्छ। आठौँ, चीनले उच्चस्तरीय खुलापन प्रणाली र संयन्त्रलाई सुधार गरी अल्पविकसित देशमा एकतर्फी खुलापन विस्तार गर्ने घोषणा गरेको छ जसले चीनसँग कूटनीतिक सम्बन्ध भएका सबै अल्पविकसित देशलाई आफ्नो शतप्रतिशतमा शून्य-कर दिनेछ।

सी चिनफिङले चीनले विभिन्न पक्षसँग साझा विकासको न्यायपूर्ण संसारको निर्माण गरी गरिबी हटाएर सुन्दर दर्शनलाई व्यवहारमा उतार्ने इच्छा लिएको पनि व्यक्त गर्नुभयो।