चिनियाँ सहयोगमा ताजिकिस्तानको संसद भवन र सरकारी भवनको उद्घाटनमा सी र ताजिक राष्ट्रपति राहमोनको सहभागिता

स्थानीय समयअनुसार जुलाई ५ तारिख दिउँसो चिनियाँ राष्ट्राध्यक्ष सी चिनफिङ र ताजिकिस्तानका राष्ट्रपति इमोमाली राहमोनले संयुक्त रूपमा चिनियाँ सहयोगमा ताजिकिस्तानको दुशान्बेमा बनेको संसद भवन र सरकारी भवनको उद्घाटन समारोहमा भाग लिनुभयो।

न्यानो तालीको बीचमा सी चिनफिङले भाषण दिनुभयो। सी चिनफिङले चीन र ताजिकिस्तान हिमाल र नदीले जोडिएका मित्रवत् छिमेकी भएको कुरामा जोड दिनुभयो। उहाँले भन्नुभयो，“हालैका वर्षहरूमा दुई देशहरूले विकास रणनीतिहरूको पङ्क्तिबद्धतालाई बलियो बनाएका छन्, चौतर्फी सहयोगलाई बढावा दिएका छन् र "बेल्ट एण्ड रोड"को संयुक्त निर्माणको ढाँचा भित्र रणनीतिक परियोजनाहरूको श्रृंखला लागू गरेका छन्। आज दुईवटा भवनहरू औपचारिक रूपमा सम्पन्न भएका छन्, जसले ताजिकिस्तान संसद र सरकारको कार्यालयको अवस्थालाई धेरै सुधार गर्नेछ，चीन र ताजिकिस्तानबीचको मैत्रीपूर्ण सहयोगको प्रतीक बन्ने नयाँ स्थल चिन्ह बन्नेछ। ”

त्यसक्रममा इमोमाली रहमोनले पाँच वर्षअघि राष्ट्राध्यक्ष सी चिनफिङको ताजिकिस्तानको राजकीय भ्रमणका क्रममा राष्ट्राध्यक्ष सी चिनफिङ र आफूले संयुक्त रूपमा दुईवटा भवनको नमूना अनावरण गरेको बताउनुभयो। उहाँले भन्नुभयो，“आज राष्ट्राध्यक्ष सी चिनफिङसँग दुईवटा भवनको उद्घाटन समारोहमा उपस्थित हुन पाउँदा म धेरै खुसी छु，दुई भवनहरूले ताजिकिस्तान वास्तुकला शैली र चिनियाँ निर्माण प्रविधिलाई पूर्ण रूपमा एकीकृत गरेका छन्, यो ताजिकिस्तान र चीनबीचको गहिरो मित्रताको अर्को प्रमाण हो।”