फङ लियुआनद्वारा हङकङ पश्चिमी काउलुन साँस्कृतिक क्षेत्रको ओपेरा केन्द्रको भ्रमण
जुन ३० तारिख दिउँसो चीनका राष्ट्राध्यक्ष सी चिनफिङकी श्रीमति फङ लियुआनले हङकङको पश्चिमी काउलुन साँस्कृतिक क्षेत्रको ओपेरा केन्द्रको भ्रमण गरी साँस्कृतिक क्षेत्रको आधारभूत अवस्था र विकास प्रकृयाबारे जानकारी लिनुभयो। सो अवसरमा उहाँले चियाघर थिएटरमा क्यान्टोनिज ओपेरा रिहर्सल हेर्नुभयो र परम्परागत कागज कलालगायत सांस्कृतिक र रचनात्मक उत्पादनका युवा स्वयंसेवकसँग कुराकानी गर्नुभयो।