चीनका राष्ट्राध्यक्ष सी चिनफिङद्वारा सिङ्गापुरका प्रधानमन्त्रीसँग वार्ता

स्थानीय समय अनुसार नोभेम्बर १५ तारिख बिहान एपेक नेतागणको अनौपचारिक वार्तामा सहभागी हुँदा चीनका राष्ट्राध्यक्ष सी चिनफिङले सिङ्गापुरका प्रधानमन्त्री लाउरेन्सँस वोङसँग भेट-वार्ता गर्नुभएको छ।

राष्ट्राध्यक्ष सीकाअनुसार, चीन र सिङ्गापुर पारस्परिक मैत्रिपूर्ण छिमेकी र महत्वपूर्ण सहयोगी साझेदार हुन्। गत वर्ष दुई देशको सम्बन्धलाई चौतर्फी उच्च गुणस्तरीय अग्रगामी साझेदारीमा अध्यावधिक गरिएको थियो। जसले चीन–सिङ्गापुर सम्बन्धको आगामी विकासका लागि स्पष्ट दिशा तय गरेको छ। हाल, दुवै देश राष्ट्रिय विकासका महत्वपूर्ण समयमा रहेका छन्। अर्को वर्ष चीन र सिङ्गापुर बीच दौत्य सम्बन्धको ३५ औं वार्षिकोत्सव हो। चीनले सिङ्गापुरसँग मित्रताको दिशालाई दृढतापूर्वक पालना गरी उच्चस्तरीय आदानप्रदानलाई घनिष्ट पार्दै स्पष्टता र पारस्परिक विश्वासको पालना गर्नुका साथै पारस्परिक मुख्य हितलाई सम्मान गरी आधुनिकीकरणको मार्गमा सँगै अगाडि जाने र उच्च गुणस्तरको विकासको नयाँ अध्याय खोल्ने इच्छा लिएको छ।

सिङ्गापुरका प्रधानमन्त्री वोङका अनुसार, सिङ्गापुर र चीनको सम्बन्ध पारस्परिक सम्मान र विश्वासमा आधारित छ र पारस्परिक लाभान्वित छ।

सिङ्गापुरले थाइवान मामिलामा चीन सरकारको अडान पूर्ण रूपमा बुझेर जस्तो सुकै प्रकारको "थाइवान स्वतन्त्रता" को विरोध गर्दछ, र एक चीन सिद्धान्तको दृढ़ताका साथ पालना गर्दछ। सिङ्गापुर सधैँ चीनको आर्थिक विकासको सम्भावनामा विश्वासिलो छ र चीनको आधुनिकीकरण प्रक्रियामा निरन्तर सहभागी हुने प्रतीक्षामा छ। आसियान र एपेकजस्ता बहुपक्षीय क्षेत्रमा चीनसँग समन्वय गरेर संरक्षणवादको विरोध गर्नुका साथै व्यापार तथा लगानीको सहजीकरण तथा स्वतन्त्रतालाई बढाएर क्षेत्रीय स्थिरता र विकासको रक्षा गर्न सिङ्गापुर इच्छुक छ ।