लिन्च् को मि रै गाउँबस्ती विशेषतायुक्त कृषि समृद्धिको बाटोमा

हाल मि रै गाउँबस्तीले उच्च फलफूल खेतीको विकास गरिरहेको छ। सन्2014को फेब्रुअरीदेखि हालसम्म यहाँ जम्मा पच्चीस लाख तीस हजार वर्गमिटर फलफूलका बुटा रोपिएको छ। जसबाट हरेक वर्षको आम्दानी आठ करोड असी लाख चिनियाँ युआन हुने पूर्वानुमान गरिएको छ। यसप्रति सचिव लुले यसरी जानकारी दिनुभयो: हाम्रो स्याउको बिक्री राम्रो देखिन्छ। लिन्च् शङ्ग यु कृषि तथा पशुपालन मैत्री लिमिडेट कम्पनीले हाम्रो मि रैको भूमिलाई ठेक्कामा लिएर व्यापार गर्दछ। शङ्ग यु कम्पनीबाट उत्पादित स्याउ एक महिनाभित्रमै सबै बिक्री गर्न सकिन्छ।

शङ्ग यु कम्पनीको पेशागत बजार मोडल र बिक्री प्रणालीले मि रै गाउँबस्ती उत्पादित स्याउ तुरुन्तै बजारमा लोकप्रिय बनेको छ। यस अवस्थामा आधारित भई मि रै गाउँबस्तीले "कम्पनी, कृषक र खेती" गठित व्यापार तथा व्यवस्थापन शैली स्थापना गरेको छ। जसबाट सम्पूर्ण रुपमा मि रैको उत्कृष्ट फल उत्पादनलाई प्रवर्द्धन गरेको देखिन्छ।

पहिलेको गहुँ तथा जौलाई परिवर्तन गरेर हाल स्याउ जस्तै फल रोप्ने विषयमा कृषक नि मालाई कुनै चिन्ता लाग्दैन। उहाँले यसरी भन्नुभयो: पहिले पेशागत प्रविधि थाहा थिएन अनि हाम्रो व्यापारिक विचार पनि खुल्ला थिएन। हाल बालीभन्दा फल उत्पादनको आम्दानी ठूलो भएको कुरा बुझेर स्याउ लगायत फल रोप्न थालेका हौं। साथै सरकारले अनुदान दिनुका साथै हामीलाई सम्बन्धित पेशागत प्रविधि पनि सिकाएको छ।

आर्थिक पूर्वाधार सुधार भइरहँदा नि माले शहरमा एक आवास किन्ने विचार गर्नुभएको छ। अन्य गाउँबस्तीका कृषक जस्तै नि माको जीवन पनि झन झन राम्रो बन्दै गएको छ।