चीन अन्तरिक्ष योजना २०२३ सार्वजनिक

सन् २०२३ मा चीन अन्तरिक्ष विज्ञान तथा प्रविधि निगमले ५० भन्दाबढी पटक अन्तरिक्ष प्रक्षेपण गर्ने लक्ष्यहरू राखेका छन् जसबाट चन्द्र अन्वेषण परियोजनाको चौथो चरण र ग्रह अन्वेषण परियोजनालाई व्यापक रूपमा अघि सारिने छ। साथै छाङअ ७ नम्बर, थ्यानवन २ नम्बर लगायतका मोडेलहरूको अनुसन्धान तथा विकास एवम् छाङचङ ६ नम्बर रकेटको पहिलो उडानलाई पूरा गर्ने योजना पनि बनाइएको छ।

यसबाहेक,चालू वर्षमा मानवसहित अन्तरिक्ष स्टेशन परियोजना अनुप्रयोग र विकास चरणमा प्रवेश भएको छ र अन्तरिक्ष स्टेशन सामान्य सञ्चालन अवस्थामा प्रवेश भएको छ। उक्त जानकारी चीन अन्तरिक्ष विज्ञान तथा प्रविधि निगमबाट जनाइएको हो।

यसअघि चीन अन्तरिक्ष विज्ञान तथा प्रविधि निगमका अध्यक्ष उ यान्सङले यसरी बताउनुभयोः चन्द्र अन्वेषण परियोजनाको चौथो चरणमा छाङअ ६ नम्बर लगभग सन् २०२५ मा चन्द्रमाको पछाडिको भागमा नमूना लिएर फर्कने योजना छ र छाङअ ७ नम्बरले लगभग सन् २०२६ मा चन्द्रमाको दक्षिणी ध्रुवको वातावरणीय स्रोतको अन्वेषण गर्ने योजना छ। छाङअ ८ नम्बरलाई सन् २०२८ मा प्रक्षेपण गरिएपछि ७ नम्बरसँगै दक्षिणी ध्रुवको वैज्ञानिक अनुसन्धान केन्द्र बनाउने योजना छ।