दोस्रो आपूर्ति श्रृँखला एक्स्पोमा प्रदर्शकको संख्या पहिलोको तुलनामा करिब २० प्रतिशत बढेको

२८ तारिख चीनको राज्य परिषदको प्रेस कार्यालयले पत्रकार सम्मेलन आयोजना गरेको छ। सो अवसरमा चीनको व्यापार प्रवर्द्धन परिषदका उपाध्यक्ष चाङ शाउकाङले दोस्रो आपूर्ति श्रृँखला एक्स्पो नोभेम्बर २६ देखि ३० तारिखसम्म पैचिङमा आयोजना हुने जानकारी दिनुभएको छ।

बताएअनुसार, “संसारलाई जोड्ने र सँगै भविष्य सिर्जना गर्ने” शीर्षकको यस आपूर्ति श्रृँखला एक्स्पोले औद्योगिक र आपूर्ति श्रृंखलामा अन्तर्राष्ट्रिय सहयोग प्रवर्द्धनमा ध्यान केन्द्रित गर्नेछ साथै विभिन्न प्रदर्शन तथा विविध वार्ता र प्रवर्द्धन, सेमिनार र आदानप्रदान, परिणाम विमोचनलगायत समर्थन गतिविधिको आयोजना गर्नेछ।

नोभेम्बर २६ तारिख बिहान शुरू हुने दोस्रो आपूर्ति श्रृँखला एक्स्पोको उद्घाटन समारोहमा एक हजारभन्दा बढी चिनियाँ तथा विदेशी राजनीतिक तथा व्यापारिक प्रतिनिधि सहभागी हुने अपेक्षा गरिएको छ। सो अवसरमा चिनियाँ तथा विदेशी राजनीतिक व्यक्तित्व, अन्तर्राष्ट्रिय संस्थाका प्रमुख र विश्वका शीर्ष ५०० अन्तर्राष्ट्रिय कम्पनीका प्रमुख सहभागी भएर सम्बोधन पनि गर्नुहुनेछ। "स्थिर र सहज विश्वव्यापी औद्योगिक र आपूर्ति श्रृंखलाका लागि पैचिङ पहल" उद्घाटन समारोहमा जारी गरिनेछ।