सी चिनफिङद्वारा ट्युनिसियाको राष्ट्रपतिमा पुन：निर्वाचित भएकोमा सइदलाई बधाई सन्देश

अक्टोबर ९ तारिख चिनियाँ राष्ट्राध्यक्ष सी चिनफिङले ट्युनिसिया गणतन्त्रको राष्ट्रपति पदमा पुन: निर्वाचित हुनुभएकोमा काइस सइदलाई बधाई सन्देश पठाउनुभएको छ।

बधाई सन्देशमा राष्ट्राध्यक्ष सी चिनफिङले चीन र ट्युनिसियाबीच गहिरो परम्परागत मित्रता रहेको औँल्याउनुभएको छ। हालैका वर्षहरूमा संयुक्त नेतृत्वमा दुई देशबीचको सम्बन्ध स्वस्थ र स्थिर रूपमा विकास भएको तथा विभिन्न क्षेत्रमा आदानप्रदान र सहयोग फलदायी रहेको र परम्परागत मित्रता अझै प्रगाढ हुँदैगएको उहाँले उल्लेख गर्नुभयो।

राष्ट्राध्यक्ष सीले सन् २०२४ को मेमा सइदसँग संयुक्त रूपमा दुई देशको द्विपक्षीय सम्बन्धलाई नयाँ स्तरमा प्रवर्द्धन गर्न रणनीतिक साझेदारी स्थापनाको घोषणा गरेको पनि सम्झना गर्नुभयो। उहाँले चीन-ट्युनिसिया सम्बन्धको विकासलाई ठूलो महत्व दिएको र यस वर्ष दुई देशबीच दौत्य सम्बन्ध स्थापना भएको ६०औँ वार्षिकोत्सवलाई चीन र ट्युनिसियाबीचको मित्रतालाई निरन्तरता दिने अवसरको रूपमा लिन इच्छुक रहेको पनि औँल्याउनुभयो।