विगतमा कोभिड संक्रमित पाँचमध्ये एक वयस्क अमेरिकीमा लामो समयसम्म लक्षणः एउटा तथ्य

अमेरिकाको नेशनल सेन्टर फर हेल्थ स्ट्याटिस्टिक्स (एनसीएचएस) को नयाँ संघीय तथ्याङ्क अनुसार लगभग ७.५ प्रतिशत अमेरिकी वयस्कहरू अर्थात् करीब २० मिलियन मानिसहरू हाल लामो कोभिड लक्षणहरूको सामना गरिरहेका छन्।

अमेरिकी जनगणना ब्यूरोसँगको साझेदारीमा सञ्चालित हाउसहोल्ड पल्स सर्भेबाट निकालिएको त्यो खोज जुनमा सर्वेक्षण गरिएका करिब ६२ हजार अमेरिकी वयस्कहरूको स्वयं गरिएको रिपोर्टमा आधारित छ।

४० प्रतिशतभन्दा बढी उत्तरदाताहरूले भनेका छन् कि उनीहरूमा पहिला कोरोना संक्रमणको इतिहास थियो। उत्तरदाता पाँच जनामध्ये एकले भनेका छन् कि उनीहरूसँग अझै लामो कोभिड लक्षणहरू छन्, जसलाई नयाँ स्वास्थ्य समस्याहरूको रूपमा परिभाषित गरिएको छ। ती समस्याहरुमा थकान, ज्ञानको समस्या, श्वासप्रश्वास, छाती दुखाइ जस्ता लक्षणहरू संक्रमणको कम्तीमा तीन महिनासम्म पनि देखापरेको टाइम डटकममा समाचार छ।