तटीय क्षेत्रमा सतर्कता अपनाउन आग्रह

सरकारको अनुमति अनुसार सुरुङमा पानी पठाएर प्राविधिक परीक्षण गर्न थालिएकाले नदी किनारामा कुनै पनि काम नगर्न आयोजनाका लेखा तथा प्रशासन प्रमुख अरुण न्यौपानेले जानकारी दिनुभयो। यस्तै भोटेकोशी गाउँपालिका, बाह्रबिसे नगरपालिका, जिल्ला प्रशासन कार्यालय, जिल्ला प्रहरी कार्यालयले पनि यस्तै आग्रह गरेका छन्।

सो आयोजना २०७० सालबाट निर्माणाधीन छ। चार वर्षभित्र आयोजना निर्माण सम्पन्न भई उत्पादन थाल्नुपर्ने भए पनि हालसम्म निर्माण कार्यसमेत पूरा हुन सकेको छैन। बाढीपहिरो, कोभिड महामारी, भूकम्प, राजनीतिक हस्तक्षेप, आन्तरिक व्यवस्थापनको कमजोरीलगायतका कारण आयोजना निर्माणमा ढिलाइ भएको बताइएको छ। आयोजनाको निर्माण सम्पन्न हुनका लागि १२ अर्ब २८ करोड रुपियाँ अनुमान गरिएकोमा ढिलाइ हुँदा २० अर्ब रुपियाभन्दा पनि बढी लागत पुगेको छ।