पर्यटकीय गुठिचौरमा प्याराग्लाइडिङ महोत्सव
जुम्लामा पर्यटकीय स्थल गुठिचौरमा स्काई फेष्टिबल अर्थात् आकासे पर्व सुरु भएको छ। जुम्लाको गुठिचौर गाउँपालिकाले पोखराबाट प्राविधिक टिम झिकाएर चारदिने महोत्सव सुरु गरेको गोरखापत्र अनलाइनले लेखेको छ।
वरिपरि डाँडा बिचमा चौर भएको सो अत्यन्तै रमणीय क्षेत्र गुठिचौरमा गाउँपालिकाले आयोजना गरेको प्याराग्लाइडिङ महोत्सव उद्घाटन गरेपछि माथीबाट उडाइएको थियो। जिल्ला समन्वय समितिका प्रमुख गौरीनन्द आचार्य र गाउँपालिका अध्यक्ष दानबहादुर बुढाले महोत्सवको उद्घाटन गर्नुभएको छ। गुठिचौरको मैदानमा रिवन काटेपछि डाडाँबाट ग्लाइडिङ उडान भएको थियो।
प्याराग्लाइडिङका लागि जिल्ला र जिल्ला बाहिर मानिसहरु अहिले गुठिचौर पुगेका आयोजकले जनाएको छ। गाउँपालिका अध्यक्ष दानबहादुर बुढाले पर्यटकीय गुठिचौरमा सबैको ध्यान आकर्षण भएको र पर्यटकीय आधार तयार गरि आर्थिक उपार्जनका लागि महोत्सवको सुरुवात भएको जानकारी दिनुभयो। महोत्सवमा जिल्ला समन्वय समितिका प्रमुख गौरीनन्द आचार्यले प्रचुर पर्यटकीय सम्भवाना रहेको गुठिचौरमा स्थानीय सरकारले पर्यटन प्रर्वृद्धनका लागि गरेको क्रियाकलापमध्ये एक रहेको बताउनुभयो।
पहिलो दिन १२ वटा उडान भएको प्रमुख प्रशासकीय अधिकृत ध्रुवराज गिरीले जानकारी दिनुभयो। उहाँका अनुसार आइतवार झण्डै ५० बढी उडान गर्ने योजना छ। गुठिचौरको चारैतिरबाट प्याराग्लाइडिङ उडान एकै पटक भइरहेका छन्। प्याराग्लाइडिङमा उड्नका लागि मानिसको भिड भएको गुठिचौर गाउँपालिकाले जनाएको छ।
प्रशासकीय अधिकृत धु्रर्वराज गिरीले ३१ गतेसम्म महोत्सव हुने भनिएता पनि टिकट धेरैले काटेपछि सवैलाई उडार मात्र महोत्सव समापन गरिने स्थानीय तहले जानकारी दिएको छ। गाउँपालिकाले २ महिना अघि परीक्षण जहाजका लागि वावु एडभाञ्चर प्रा.लीलाई जुम्ला ल्याएर परीक्षण गरि सफल गरिएको थियो। एउटा उडानको गुठिचौर गाउँपालिका निवासीलाई रु. ३ हजार र बाहिरकालाई रु. ४ हजार शुल्क निर्धारण गरिएको छ।
जुम्ला सदरमुकामबाट गाडी चढेर एक घण्टा समय लाग्ने सो स्थानमा गुठिचौर भेडा फारमसमेत छ। वरिपरि पहाड र बिचमा बृहत् चौरले घेरिएको गुठिचौरमा गाउँपालिकाले महोत्सवको अवसर पारेर खुला पुरुष भलिबल प्रतियोगिता र खुला महिला देउडा प्रतियोगिता गरिरहेको छ।