नेपालमा तीन गुणाले बढ्यो विद्युत् खपत

आर्थिक वर्ष २०७२/७३ मा तीन अर्ब ७२ करोड युनिट रहेको विद्युत् खपत आर्थिक वर्ष २०७३/७४ मा २८.४७ विन्दुले बढी चार अर्ब ७७ करोड युनिट पुगेको थियो। आर्थिक वर्ष २०७४/७५ मा विद्युत् खपत पाँच अर्ब ५६ करोड, २०७५/७६ मा छ अर्ब ३० करोड युनिट, २०७६/७७ मा छ अर्ब ४२ करोड, २०७७/७८ मा सात अर्ब २८ करोड युनिट भएको थियो।

यसै गरी आर्थिक वर्ष २०७८/७९ मा आठ अर्ब ८४ करोड, आर्थिक वर्ष २०७९/८० मा नौ अर्ब ३५ करोड र आर्थिक वर्ष २०८०/८१ मा १० अर्ब दुई करोड युनिट विद्युत् खपत भएको थियो। आर्थिक वर्ष २०७९/८० को तुलनामा आर्थिक वर्ष २०८०/८१ मा विद्युत् खपत करिब १० प्रतिशतले बढेको हो।

गत आर्थिक वर्षमा पिक डिमान्ड (विद्युत् बढी माग हुने समय) अघिल्लो आर्थिक वर्ष २०७९/८० को तुलनामा ११.३४ प्रतिशतले वृद्धि भएको थियो। गत आर्थिक वर्षको जेठ १६ गते देशभित्रको सबैभन्दा बढी विद्युत्को माग रेकर्ड गरिएको थियो। उक्त दिन पिक डिमान्ड दुई हजार २१२ मेगावाट पुगेको थियो।