नौ वर्षपछि तातोपानी हुँदै खासाबाट सामान लिएर फर्किए तीन कन्टेनर
आयात र निर्यातलाई चीनले फराकिलो बनाएसँगै नाकामा केही सुधार आइरहेको तातोपानी सुक्खा बन्दरगाह तथा भन्सार कार्यालयका प्रमुख दयानन्द केसीले बताउनुभयो । तातोपानीबाट अहिलेसम्म ८ वटा कन्टेनरबाट झन्डै एक करोड बराबरका मुडा, फ्रेमलगायत सामग्री चीनको ल्हासा र अन्य बजार पुगेका छन् । ‘कन्टेनर पारि पुगिरहँदा निर्यात थपिँदै छ भने आयात बढ्दो छ, दैनिक १२ कन्टेनरबाट फलफूल र लत्ताकपडासहित अन्य सामग्री आइरहेका छन्,’ केसीले भन्नुभयो।
कान्तिपुर अनलाइनका अनुसार चिनियाँ कम्पनीले बनाइदिएका अत्याधुनिक मितेरी पुल र तातोपानी सुक्खा बन्दरगाहबाहेक अन्य अध्यागमन, गेट, सीमा सुरक्षा पोस्ट जस्ता महत्त्वपूर्ण सबै टहरा, जीर्ण भवनमा चलाइएका छन् । सीमा जोड्ने कोदारी राजमार्ग २६ किमि अझै क्षतिग्रस्त हुँदा कन्टेनरलाई धराप थापेझैं अवस्था छ ।
भूकम्पअघि तातोपानीबाट हस्तकला, वनस्पति, जडीबुटी, चाउचाउ जस्ता एक सय ८२ प्रकारका सामग्री चीनको खासा, सिगात्से र ल्हासा बजारमा निर्यात हुन्थ्यो ।