इजरायलद्वारा “पुनः लङ मार्च” व्यक्तिगत फोटो प्रदर्शनीको आयोजना

अक्टोबर २४ तारिख बेलुका इजरायलका नागरिक डेभिड बेन उजिएलको व्यक्तिगत फोटो प्रदर्शनी तेलअभिभमा अवस्थित चिनियाँ सांस्कृतिक केन्द्रमा आयोजना भएको छ। चीन र इजरायलका विभिन्न क्षेत्रका करिब एक सय जना मैत्री व्यक्तिहरुले सो फोटो प्रदर्शनीको अवलोकन गर्नुका साथै “पुनः लङ मार्च” सम्बन्धमा डेभिडको प्रशिक्षणमा भाग लिएका छन्।

इजरेली डेभिडले सन् २००५ मा चिनियाँ लाल सेनाले हिंडेको लङ् मार्च मार्ग फेरि हिंड्नुभयो। इजरायल फर्केपछि उहाँले आफ्नो यात्राबारे एउटा पुस्तक लेख्नुभयो। यस पुस्तकलाई हिब्रु, अंग्रेजी र चिनियाँ भाषामा प्रकाशित गरिएको छ। आफ्नो यात्रामा उहाँले स्थानीय प्रचलन र रीतिरिवाज सम्बन्धी फोटाहरु खिच्नुभयो। सो फोटो प्रदर्शनीमा प्रदर्शन गरिएका करिब ४० वटा फोटा उहाँले हजारौं फोटाहरुबाट छान्नुभएको हो। लङ् मार्चको यात्राको प्रक्रियामा धेरै वर्षअघि निकै कठिन वातावरणमा चिनियाँ कम्युनिष्ट पार्टीको दृढ नेतृत्व नभएको भए दृढ विश्वास हुने थिएन र चिनियाँ लाल सेनाको लङ् मार्च सफल हुने थिएन भन्ने ठहर डेभिडले गर्नुभयो। अहिले चिनियाँ जनताको जीवनमा फड्को मार्ने परिवर्तन भइसकेको छ, चीनको क्रान्ति र निर्माण प्रक्रियामा चिनियाँ कम्युनिष्ट पार्टीले स्थायी रुपमा जनताका लागि काम गरेको कारण त्यसले चिनियाँ जनताको समर्थन प्राप्त गरेको ठहर गर्दै डेभिड भन्नुहुन्छ,

चिनियाँ कम्युनिष्ट पार्टीको भूमिका एकदम महत्वपूर्ण छ। त्यसले चिनियाँ जनतालाई केन्द्रमा राख्दै जनताका लागि काम गरेको छ। त्यसैले चिनियाँ कम्युनिष्ट पार्टीले चिनियाँ जनताको समर्थन जितेको छ। लङ् मार्चको अवधिमा लाल सेनाका प्रमुखले सैनिकहरुको हेरविचार गर्नुभयो। त्यसैले सैनिकहरुले पनि सेनाका प्रमुख र चिनियाँ कम्युनिष्ट पार्टीमाथि विश्वास गरी चिनियाँ कम्युनिष्ट पार्टीलाई पछ्याइरहे।

इजरायलका प्रकाशक पिएरि लभिले फोटो प्रदर्शनीको अवलोकन गरेपछि सो प्रदर्शनी निकै रोचक रहेको भन्दै अरु सेनाले गर्न नसक्ने काम सफलताका साथ गरेको कारण चिनियाँ लाल सेना निकै उत्कृष्ट रहेको ठहर गर्नुहुन्छ,

विश्वका अरु सेनाले चिनियाँ लाल सेनाले गरेको लङ् मार्च जस्तै यात्रा गर्न सक्छ कि सक्दैन भन्ने मलाई थाहा छैन। जुन चिनियाँ भावनाको प्रतीक पनि हो। लाल सेनाको विश्वास निकै दृढ रहेको थियो। त्यसले शत्रुहरुसँग लडाईं गर्नुका साथै प्राकृतिक वातावरणका धेरै कठिनाईलाई जितेको थियो। अन्त्यमा लङ् मार्च सफल भएको थियो। जसबाट लाल सेनाको विश्वास धेरै दृढ रहेको देखिएको थियो।

इजरायलका लागि चिनियाँ राजदूत छाई रुईनले डेभिड चीनका पुराना साथी हुनुहुन्छ भन्दै चालू वर्ष चीन र इजरायल बीचको दौत्य सम्बन्ध स्थापना भएको ३०औं वार्षिकोत्सवको उपलक्ष्यमा “पुनः लङ मार्च” फोटो प्रदर्शनीको आयोजना गरिनुको महत्त्वपूर्ण अर्थ रहेको बताउनुहुन्छ,

डेभिड ज्यू चीनका पुराना र असल साथी हुनुहुन्छ। १७ वर्षअघि उहाँले फेरि लङ् मार्चको यात्रा गर्नुभयो। जसबाट चीनको लङ् मार्च, चिनियाँ लाल सेना र चिनियाँ कम्युनिष्ट पार्टीप्रति उहाँले अरु बढी जानकारी लिनुभयो। उहाँले विशेष रुपमा फोटो प्रदर्शनीको आयोजना गर्नुभएको छ। यस पटकको फोटो प्रदर्शनी पनि अर्थपूर्ण रहेको छ। एकातिर इजरायलका साथीहरुले फोटाहरुबाट चिनियाँ लाल सेना तथा चिनियाँ कम्युनिष्ट पार्टीको कथाबारे अरु राम्रोसँग बुझ्नसक्ने छन्, अर्कातिर फोटो प्रदर्शनीले दुई मुलुकका जनता बीचको जानकारी र मित्रतालाई गहन पार्नसक्ने छ।