अफ्रिका र चीनबीचको सहयोगमा मौका छोपेर दुई पक्षको मित्रताका लागि योगदान दिने चाडका युवा इसाको आशा

सन् २०१३ मा चीनले “बेल्ट एण्ड रोड” प्रस्ताव प्रस्तुत गरेको थियो। त्यस अवधिमा चीनको हार्बिनमा अध्ययनरत् चाडका युवा इसाले यो प्रस्तावले आफ्नो जन्मथलोमा धेरै ठूलो परिवर्तन ल्याउने कल्पना गर्नुभएको थिएन। हाल उहाँको आफ्नो काम र जीवन पनि “बेल्ट एण्ड रोड” प्रस्तावसित जोडिएको छ। चीनको “बेल्ट एण्ड रोड” प्रस्तावले अफ्रिकी जनताका लागि सुधार ल्याएको छ।

चीन र अफ्रिकाको सहयोगले प्राप्त गरेको प्रशस्त उपलब्धि इसाको व्यक्तिगत अनुभव होइन। तथ्याङ्कअनुसार, सन् २०२१ को अन्त्यसम्म चीनसित दौत्य सम्बन्ध स्थापना भएका ५३ वटा अफ्रिकी मुलुकमध्ये ५२ वटा मुलुक र अफ्रिकी संघले चीनसँग “बेल्ट एण्ड रोड” को साझा निर्माण गर्ने सहयोगात्मक दस्तावेजमा हस्ताक्षर गरेका छन्। अफ्रिका “बेल्ट एण्ड रोड” को सहयोगमा संलग्न भएको सबैभन्दा महत्वपूर्ण पक्षहरूमध्येको एक बनेको थियो।

इसाको विचारमा अफ्रिकी मुलुक “बेल्ट एण्ड रोड” को साझा निर्माणमा संलग्न भएको कारण एकातिर चीन-अफ्रिका सहयोग मञ्चको प्रारुपमा चीन र अफ्रिकाबीचको व्यावहारिक सहयोगको उपलब्धि क्रमशःदेखिएको छ र अर्कातिर अफ्रिकी मुलुकले चीनसँग विकासको अनुभव सिक्ने आशा लिएका छन्। उहाँ भन्नुहुन्छ ““बेल्ट एण्ड रोड” प्रस्ताव प्रस्तुत भएपछि चीन र अफ्रिकाबीचको सहयोग र मित्रता बढेको छ। धेरै अफ्रिकी मुलुकहरू उक्त प्रस्तावप्रति आशावादी छन्। यो प्रस्तावको प्रारुपमा अझै धेरै चमत्कारको सिर्जना गरिने छ। किनभने चीनको विकास एक चमत्कार हो। त्यसैले धेरै मुलुकहरूले “बेल्ट एण्ड रोड” मार्फत उक्त चमत्कारको कपी गर्ने आशा लिएका छन्।”

“बेल्ट एण्ड रोड” ले इसाको कामका लागि मौका ल्याएको छ। चीनमा अध्ययन गर्दा इसाले सहपाठीसँग व्यापार कम्पनी खोल्नुभएको थियो। उहाँका आँखामा चीनको ठूलो बजारसँगै विविध मौका छन्। इसा भन्नुहुन्छ

“चीनमा स्वरोजगारको सबैभन्दा राम्रो माटो छ। चीनमा एक अर्बभन्दा बढी जनसंख्या छ। चिनियाँहरू मेहनती छन्। चीनमा कुनै पनि व्यक्ति अल्छी हुने कारण छैन।”

सन् २०२१ मा चिनियाँ अन्तर्राष्ट्रिय व्यापार मेलाका उप-मञ्चहरूमध्येको एकको रुपमा रहेको “बेल्ट एण्ड रोड” अन्तर्राष्ट्रिय युवा नवप्रवर्तन स्वरोजगार मञ्चमा इसाले “बेल्ट एण्ड रोड” मुलुकहरूका युवाहरूसँग आफ‍नो स्वरोजगारको अनुभव बाँड्नुभएको थियो।

हालैका वर्षहरूमा चिनियाँ अन्तर्राष्ट्रिय आयात एक्सपो, चीन-अफ्रिका आर्थिक तथा व्यापारिक मेलाआदि चौतारोहरूमा दक्षिण अफ्रिकाको सुन्तला, इथियोपियाको कफीआदि अफ्रिकी कृषि उपज चीन बजारमा प्रवेश भएका छन्। इसा भन्नुहुन्छ “हाल चीनले अफ्रिकाको गुणस्तरीय कृषि उपजलाई चीन बजारमा प्रवेश गर्न प्रोत्साहन गरेको छ। अफ्रिकाबाट राम्रो सामान चीनमा ल्याउनसकिन्छ। अफ्रिकी किसान र हामीजस्तै अफ्रिकामा स्वरोजगार गर्ने व्यक्तिहरूले पनि मौका पाउनसक्ने छन्।”

इसाले अफ्रिका र चीनको सहयोग निरन्तर रुपमा गहिरो भैरहेको र यही मौका छोपेर अफ्रिका र चीनबीचको मित्रताका लागि योगदान दिने आशा पनि व्यक्त गर्नुभयो।