शाङहाइ सहयोग संगठनद्वारा परिस्थितिलाई कसरी प्रतिक्रिया दिने भन्नेबारे चीनको पहल

स्थानीय समय अनुसार ४ तारिखका दिन शाङहाइ सहयोग संगठनका सदस्य राष्ट्रप्रमुखहरूको परिषद्को २४औँ बैठक र "शाङहाइ सहयोग संगठन प्लस" अस्ताना शिखर सम्मेलन एकपछि अर्को गरी सम्पन्न भयो। अराजकताले गाँजिएको विश्वको सामना गर्दै, शाङहाइ सहयोग संगठनले आफ्नो बलियो जीवन्तता मात्र हैन, बाह्य दुनियाँलाई पनि विश्व सुरक्षा र विकासका लागि ठूलो भूमिका खेल्ने क्षमता देखाएको छ।

२३ वर्षको विकासपछि शाङहाइ सहयोग संगठनमा हाल १० आधिकारिक सदस्य राष्ट्रहरू, २ पर्यवेक्षक राष्ट्रहरू र १४ संवाद साझेदारहरू छन् "शाङहाइ सहयोग संगठन परिवार" ले तीन महादेशहरू समेट्छ：एशिया, अफ्रिका र युरोप। किन "साथीहरूको घेरा" ठूलो हुँदैछ? मुख्य कुरा आपसी विश्वास, पारस्परिक लाभ, समानता, परामर्श, विविध सभ्यताको सम्मान र साझा विकासको शाङहाइ भावनालाई सधैं पालना गर्नु र गठबन्धन, संवादको सट्टा साझेदारीको नयाँ विकासको बाटोमा अघि बढ्नु हो।

अहिले विश्वको संरचना तीव्र गतिमा विकसित भइरहेको छ। यो परिवर्तनको सामना कसरी गर्ने? कसरी नयाँ आधार तोड्ने र राम्रो शाङहाइ सहयोग संगठन निर्माण गर्ने? चिनियाँ राष्ट्राध्यक्ष सी चिनफिङले मूल्यमान्यता, राजनीतिक सुरक्षा, आर्थिक विकास, जन-जनबीचको आदानप्रदान र विश्वव्यापी शासनको दृष्टिकोणबाट शाङहाइ सहयोग संगठनको सुधार र स्तरोन्नतिको लागि "चिनियाँ समाधान" प्रदान गर्ने पाँचवटा सुझावहरू प्रस्तुत गर्नुभएको छ।