कानून अनुसार ‘थाइवान स्वतन्त्रता’ पक्षधरहरुलाई दण्डित गर्ने यो कागजातबाट ३ संकेत दिइँदै

जुन २१ तारिख चीनले जारी गरेको थाइवानसम्बन्धी न्यायिक दस्तावेजले विश्वको ध्यान तानेको छ। ‘देशलाई पृथक पार्ने वा अलगाववादलाई उक्साउने थाइवान स्वतन्त्रता पक्षधरहरुलाई कानून बमोजिम दण्डित गर्ने राय-सुझाव’लाई सोही दिन, सर्वोच्च जनअदालत, सर्वोच्च जनसुरक्षा, सार्वजनिक सुरक्षा मन्त्रालय, राष्ट्रिय सुरक्षा मन्त्रालय र न्याय मन्त्रालयले संयुक्त रूपमा लागू गरेका छन्। अन्तर्राष्ट्रिय जनमतले भनेको छ कि यो "थाइवान स्वतन्त्रता"पक्षधर शक्तिप्रति चीनले लिएको सबैभन्दा गम्भीर कदमहरूमध्येको एक हो, जसको उद्देश्य ‘थाइवान स्वतन्त्रता’ गतिविधिहरू रोक्दै राष्ट्रिय एकीकरणको रक्षा गर्नु हो।

पृथकतावादी अपराधीहरूलाई दण्डित गर्न र देशको मुख्य हितको रक्षा गर्दा आपराधिक न्याय उपायको प्रयोग गर्नु नै विश्वकै सामान्य अभ्यास हो। थाइवान चीनको एक भाग हो र कानून बमोजिम देशलाई पृथक पार्ने अपराधलाई दण्डित गर्नु कानून अनुसार उचित, तर्कसंगत र वैध छ। यो नै चीनले राष्ट्रिय सार्वभौमिकता, पुनर्मिलन र भूभागको अखण्डताको रक्षा गर्दा चाल्ने उचित उपाय हो।

‘पृथकता गतिविधि विरोधी कानून’, ‘जन गणतन्त्र चीनको फौजदारी कानून’, ‘जन गणतन्त्र चीनको फौजदारी प्रक्रिया कानून’ लगायतका कानूनहरू तथा सान्दर्भिक न्यायिक व्याख्याहरूको प्रावधानहरू अनुसार, उक्त राय-सुझावमा पृथकतावादलाई उक्साउने ‘थाइवान स्वतन्त्रता’ पक्षधरहरुलाई दण्डित गर्ने, सजाय दिने र प्रक्रियागत मापदण्डबारे स्पष्ट पारिएको छ। साथै न्यायिक मुद्दा व्यवस्थापनका लागि मार्गदर्शन र कानुनी आधार पनि दिइएको छ।

उक्त दस्तावेजमा तोकिएका विषयहरुबाट उदारता र गम्भीरताको सम्मिश्रणको आपराधिक नीतिलाई प्रतिविम्वित गरिएको छ र चिनियाँ कानूनी राजको निष्पक्षता र मानवीय प्रकृतिलाई पनि प्रतिबिम्बित गरिएको विश्वास विश्लेषकहरूले व्यक्त गरेका छन्।