चीनलाई लगानी गर्नु नै भविष्यमाथिको लगानी हो

“सन् २०२३ को नोभेम्बर १३ तारिख, तिब्बतको लिच् नाका औपचारिक रूपमा संचालनमा ल्याइएपछि म हरेक बिहान चीन आउँछु र बेलुका नेपाल फर्कन्छु अनि प्रतिदिन पाँच/छ हजार चिनियाँ युआनको व्यापार गर्नसक्छु।” चिनियाँ भाषा राम्रो बोल्नसक्ने नेपाली व्यापारी गायाङले खुशीका साथ भन्नुभयो।

थाहा भएअनुसार, सन् २०२३ मा चीन र नेपालबीचका ३ वटा नाकाबाट आवतजावत कार्गोको वजन १ लाख ४० हजार ५ सय टन पुगेको छ भने गत वर्षको सोही अवधिको तुलनामा ४४.३५ प्रतिशत बढेको छ। साथै ती कार्गोको मूल्य ५ अर्ब १५ करोड ३० लाख चिनियाँ युआन पुगेको छ भने गत वर्षको सोही अवधिको तुलनामा ८३.५८ प्रतिशत बढेको छ। चीन नेपालका दोस्रो ठूलो व्यापारिक साझेदार हो। गत वर्षदेखि तिब्बतका शीर्ष तीन वटा नाकाबाट नेपालतर्फ निर्यात सामानको वर्गमा संरचनात्मक परिवर्तन भएका छन् अर्थात उच्च मूल्यवर्धित वस्तुको अनुपात बढ्दै गएको छ जसबाट नेपाललाई चीनले निर्यात गरेको सामान पुनरावृत्ति स्तरोन्नति प्रतिबिम्बित भएको मात्र होइन तर चिनियाँ सामानबारे नेपालको मागमा आएको गहिरो परिवर्तनलाई पनि प्रतिबिम्बित गरिएको छ।

चीनले बनाएका जलविद्युत केन्द्रले नेपालीका घर उज्यालो बनाएको छ। चीनमा बनेका नयाँ उर्जाका सवारीसाधन नेपालका गल्ली–गल्लीमा देख्न पाइन्छ। चीनमा उत्पादित विभिन्न वस्तु नेपालका हजारौं घरमा पुगेका छन्। त्यसैगरी चीनमा व्यापार, अध्ययन र बसोबास गर्ने नेपालीहरू निरन्तर चीनमा घुलमिल भइरहेका छन् र चीनको मायामा परिरहेका छन् ।

सन २०२३को नोभेम्बर ८ तारिख नेपाल-चीन आर्थिक तथा व्यापार संघ स्थापना भएको २०औँ वार्षिकोत्सवमा आयोजित समारोहलाई नेपाल-चीन आर्थिक तथा व्यापार संघका अध्यक्ष अनुपरञ्जन भट्टराइले सम्बोधन गर्दै चीनको समृद्धिले विश्वलाई विशाल आर्थिक मौका प्रदान गरेको र यो मौका सम्पूर्ण रुपमा प्रयोग गर्नसक्ने नेपालको आशा रहेको व्यक्त गर्नुभयो।

गत महिना नेपालका उप-प्रधान तथा परराष्ट्रमन्त्री नारायणकाजी श्रेष्ठले पैचिङमा चीनका परराष्ट्रमन्त्री वाङ यीसँग भेटवार्ता गर्दै बेल्ट एन्ड रोड इनिशिएटिभ विश्वको विकास र समृद्धिको लागि हितयुक्त छ भने नेपालले चीनसँग बेल्ट एन्ड रोड सहयोगलाई बढाउने इच्छा लिनुका साथै विश्व विकास इनिशिएटिभमा संलग्न हुने निर्णय गरेको व्यक्त गर्नुभयो। यसबाहेक दुई पक्षले १४ वटा परम्परागत सीमा व्यापारिक नाका पुन: खोलेर व्यापार, लगानी, पर्यटन लगायत क्षेत्रका व्यवहारिक सहयोगलाई बढाउन मतैक्यता जुटाउनुभयो।

चीन र नेपालबीच घनिष्ठ हुँदैआएको आर्थिक तथा व्यापारिक सहयोगबाट चीनको विकासबारे नेपालको उच्च मान्यता झल्काइएको छ साथै चीनको आर्थिक विकासबारे विश्वको विश्वास पनि प्रतिबिम्बित गरिएको छ।

हाल विश्वको नामी व्यवस्थापन परामर्श कम्पनी केर्नीले सन् २०२४ विश्व वैदेशिक प्रत्यक्ष लगानी विश्वास सूचकांक प्रतिवेदन सार्वजनिक गरी चीनको र्याङ्किङलाई गत वर्षको सातौँ स्थानबाट तेस्रो स्थानमा उकासेको छ त्यसैगरी उदीयमान बजारको सूचीमा चीन शीर्ष स्थानमा बसेको छ। यसप्रति चीनको परराष्ट्र मन्त्रालयका प्रवक्ता माउ निङले प्रतिकृया दिँदै असल लगानी वातावरण र उच्च स्तरीय वैदेशिक खुलापनले विदेशी उद्योगले चीनमा लगानी गर्ने विश्वासलाई बढाएको जानकारी दिनुभयो।

प्रवक्ता माउ निङले भन्नुभएझैँ चीनमा लगानी गर्नु नै भविष्यलाई लगानी गर्नु बराबर हो। चीनले व्यापारिक वातावरणमा अरू सुधार गरी नयाँ गुणस्तरीय उत्पादन शक्तिको विकास गरेबाट जीत-जीत सहयोगको स्पेसलाई विस्तृत गरेर विश्वसँग चिनियाँ बजार र विकास लाभ शेयर गर्नेछ।