धान खेतमा चिनियाँ नेता

चीनमा दुई अधिवेशन भनिने अर्थात् राष्ट्रिय जन कांग्रेस सम्मेलन र जन राजनैतिक परामर्शदात्री सम्मेलन सम्पन्न भएको ठीक एक हप्तापछि चिनियाँ नेता सी चिनफिङले हुनान प्रान्त पुगेर दुई अधिवेशनपछि उहाँको पहिलो स्थलगत निरीक्षण थाल्नुभएको छ।

"सबै अनुकूल अवसरहरूको सदुपयोग गर्दै सबै अनुकूल परिस्थितिहरूबाट फाइदा उठाउनुपर्छ। जब हामी राम्रो अवस्थालाई देख्छौँ तब सबै विभिन्न पक्षहरूको उत्साहबाट सम्बन्धित काम राम्रोसँग गर्नु आवश्यक छ।" यो नै यस वर्ष दुई अधिवेशनको अवधिमा सी चिनफिङले आफ्नो भाषणमा भन्नुभएको हो र यसबाट पहिले समयलाई नपर्खिकन् कडा परिश्रमको स्पष्ट अभिमुखीकरण व्यक्त गरिएको छ। साथै दुई अधिवेशनपछि स्थलगत निरीक्षणमा जानुको महत्त्वपूर्ण कारण पनि व्याख्या गरिएको छ।

यस वर्षको दुई अधिवेशनमा सी चिनफिङ तीन टक गरी फरक प्रतिनिधि समूहमा नयाँ गुणस्तरिय उत्पादन शक्तिको बारेमा कुरा गर्नुभयो। हुनानको यो भ्रमण नै सी चिनफिङको नयाँ गुणस्तरिय उत्पादन शक्तिको विकासमा गति दिनका लागि गर्नुभएको स्थलगत मार्गदर्शन हो। चिनियाँ कम्युनिष्ट पार्टीको १८औँ राष्ट्रिय महाधिवेशनपछि सी चिनफिङ हुनान भ्रमण गर्नुभएको यो चौथो पटक पनि हो।

चीन कृषिप्रधान देश हो र हुनान प्रान्त चीनको प्रमुख कृषिप्रधान प्रान्त हो। हुनान प्रान्तलाई प्राचीन कालदेखि "माछा र धानको भूमि" को रूपमा चिनिन्छ र चीनमा एक महत्त्वपूर्ण "अन्न भण्डार" हो। त्यहाँ धान खेतको क्षेत्रफल र कुल उत्पादन परिमाण चीनभरि पहिलो स्थानमा छ। हुनान प्रान्तमा कृषि आधुनिकीकरणलाई बढाउने, विशेष गरी स्मार्ट र बुद्धिमान कृषि मेशिनरी उद्योग श्रृंखलाको निर्माण, कृषि यान्त्रिकीकरणको गतिशीलता र बीउ उद्योगको नवीनता क्षेत्रमा देशभरि अग्रपंक्तिमा छ।

वर्षभरिको योजना वसन्तमा निहित छ। "मानिसहरूले उचित समयपछि काम गर्यो भने जग्गा जमिन एक वर्षको लागि खेर जान सक्छ" भन्ने चिनियाँ कृषि उखानमा के प्रष्ट्याइएको छ भने अन्नबालीको अनुकुलता र वसन्त जोत्ने तयारीको तत्कालिनता निकै महत्वपूर्ण हुन्छ।

हाल वसन्त ऋतुको हलो जोत्ने र तयारी गर्ने महत्वपूर्ण समय हो। मार्च १९ तारिख अपरान्ह, सी चिनफिङ हुनान प्रान्तको छाङत शहरको काङचुङपिङ गाउँमा पुगेपछि जानकारी लिनुभएको पहिलो कुरा वसन्त ऋतुको हलो जोत्ने तयारी हो।

काङचुङपिङ गाउँमा अग्रणी व्यवसाय उच्च गुणस्तरीय धान र क्यामेलिया हुन्। गाउँमा ०.५ वर्ग किलोमिटरको दोब्बर-बाली धान खेत स्येच्याफु बस्ती अन्न उत्पादन नमूना क्षेत्रको केन्द्रिय क्षेत्रमा अवस्थित छ। त्यहाँ एकीकृत रूपमा उत्कृष्ट प्रजातिको प्रयोग गरी मेशिनमार्फत् रोपन, मल हाल्ने, हरित विधि, रोकथाम र नियन्त्रण र भौतिक तथा रासायनिक प्रविधि गर्दछ। गत वर्ष नमूना क्षेत्रमा प्रारम्भिक धान र ढिलो धानको प्रति मू उत्पादन ११५२.३ केजी पुगेको छ।

सी चिनफिङले धानखेतमा रोपाइँ र खेत जोत्ने कामको निरीक्षण गर्नुका साथै उत्कृष्ठ अन्न उत्पादक, कृषि प्राविधिक, तल्लो तहका कार्यकर्ता र गाउँलेहरूसँग सौहार्दपूर्ण कुराकानी गर्दै वसन्त रोप्ने कामको बारेमा विस्तृत जानकारी लिनुभएको छ।

उहाँका अनुसार, राम्रो बीउबिजन, राम्रो उपाय, राम्रो मेशिन र राम्रो जमिनको गहन एकीकरणमा अझ प्रयास र कृषिलाई सुदृढ पार्ने र किसानलाई समृद्धि तथा लाभान्वित गर्ने नीतिको राम्ररी कार्यान्वयन गरी अन्न उत्पादनमा किसानको आय सुनिश्चित गर्नुपर्छ। जसले चालु वर्ष अन्नको उत्पादन र किसानको आयको वृद्धिका लागि राम्रो सुरुवात गर्नसकिन्छ।

खेतमा मात्र हाइन सी चिनफिङले बीउ प्रयोगशालाको अनुसन्धान र विकासमाथि पनि महत्त्व दिनुभएको छ। उहाँको विचारमा खाद्य सुरक्षा "देशको ठूलो मामिला" हो।

चालु वर्ष केन्द्रीय सरकारको नम्बर १ दस्तावेजले छ वटा पक्षबाट कार्य योजना बनाएको छ। जसमध्ये पहिलो राष्ट्रिय खाद्य सुरक्षा सुनिश्चित गर्नु हो। जसमा स्पष्ट रूपमा "खाद्यान्न उत्पादन मात्रा ६ खर्ब ५० अर्ब केजीभन्दा बढी कायम राख्ने सुनिश्चित गर्नु" लेखिएको छ।

खानाको समस्याको राम्ररी समाधान गर्नु देशको शासनमा सधैँ प्राथमिक मामिला हो। सी चिनफिङले भन्नुभएजस्तै, जति धेरै जोखिम र चुनौती देखा पर्छ त्यति नै कृषिलाई स्थिर बनाउनुपर्छ र खाद्य तथा महत्वपूर्ण सह-उत्पादनको सुरक्षालाई सुनिश्चित गर्नुपर्छ।