तपाईँको वर्तमानस्थान:नेपाली भाषा > समाचारहरु > नेपालका समाचार > विस्तृत विषय

सीनो हाड्रो चिनियाँ ठेकेदार कम्पनीद्वारा तीब्र गतिमा मेलम्चीको काम गर्दै

2019-12-22 14:22:15
r_1634904_2019122214221183639400.jpg

    मेलम्ची खानेपानी आयोजनामा नयाँ नियुक्त भएको चिनियाँ ठेकेदारको प्रारम्भिक कार्यसम्पादन सन्तोषजनक पाइएको छ। ठेकेदार कम्पनी सिनो हाइड्रोले सुरुङतर्फको जटिल मानिएको कामहरु तीव्र रुपमा अघि बढाएकाले लक्ष्यअनुसार आयोजना सम्पन्न हुन सक्ने अधिकारीहरुले बताएका अनलाइन खबरले लेखेको छ।

    करिब एक महिनाको प्रगति सन्तोषजनक रहेकाले लक्ष्यअनुसार नै चिनियाँ ठेकेदारले काम पूरा गर्ने आशा आयोजनाका एक अधिकारीले व्यक्त गरे। सुरुङमा २५ हजार वटा ड्रिल गर्नुपर्नेमा ६० प्रतिशत काम भइसकेको ती अधिकारीले जानकारी दिए। करिब १४ हजार ड्रिल भइसकेको र अरु काम पनि काम सन्तोषजनक रहेको आयोजना सम्बद्ध अधिकारी बताउँछन्।

    'तोकिएभन्दा छिटो काम सकेमा बोनससमेत पाउने गरी खरिद सम्झौता भएको छ। अहिलेकै गतिमा काम भयो भने सिनोले त्यो रकम पनि प्राप्त गर्न सक्ने देखिन्छ,' ती अधिकारी भन्छन्, 'छिटो काम गर्न हामीले पनि प्रेरित गरिरहेका छौं।'

    आयोजनाले सिनोलाई समय आगावै काम सकेमा दिनको ०.०१५ प्रतिशत प्रोत्साहन भत्ता दिने गरी सम्झौता गरेको छ। छिटो काम सकेमा बाँकी दिनको गणना गरेर प्रतिदिन ठेक्का रकमको ०.०१५ प्रतिशत प्रोत्साहन भत्ता दिइने छ। यदि काममा ढिलाइ भए सिनोले पनि ढिला भएको दिनको गणना गरेर प्रतिदिन त्यतिकै दरले जरिवाना तिर्नुपर्ने हुन्छ।

    तर, अहिले पनि अधिकारीहरु आयोजना सम्पन्न कहिले हुन्छ भन्ने विषयमा औपचारिक बोल्न मान्दैनन्। खानेपानी मन्त्रालयले नै मेलम्ची आउने समयसीमाबारे अब नबोल्ने नीति लिएको छ। ठेकेदार सिनोले हेडवर्क्सको लागि बाँध निर्माण गर्न पनि काम थालेको छ। सुरुङतर्फका अन्य प्राविधिक काम पनि समानान्तर रुपमा अघि बढाएको छ। जसका कारण अबको ११ महिनाभित्र मेलम्चीको पानी सुरुङमा हाल्न सकिने अपेक्षा आयोजनालाई छ।


पात्रो

हामीलाई साथ दिनुहोस्

समाचारहरु:
सबैभन्दा पछिल्लो सूचना नेपालका समाचार अन्य समाचार
फोटो ग्यालरी:
दृष्यावली अनुहार सँस्कृति आदान-प्रदान