नेपाली भाषा
तपाईँको वर्तमानस्थान:नेपाली भाषा > समाचारहरु > नेपालका समाचार > विस्तृत विषय

चीन तथा दक्षिण एसिया साहित्य सम्मेलनमा अनुवाद प्राथमिकतामा

2019-10-18 14:55:06

    काठमाडौँमा संचालित चीन तथा दक्षिण एसिया साहित्य सम्मेलन सम्पन्न भएको छ। गत मंगलबार सुरु भएको सम्मेलन हिजो बिहीबार सम्मपन्न भएको हो। घोषणापत्र सुनाउँदै नेपाल प्रज्ञा प्रतिष्ठानका कुलपति गंगाप्रसाद उप्रेतीले चीन तथा दक्षिण एसियाली स्रष्टाहरूबीच विभिन्न साहित्य भेला र जमघटलाई बढावा दिइने, आगामी सम्मेलनमा तथा सभामा युगल सिर्जनात्मक कार्य प्रस्तुतिलाई जोड दिइने, क्षेत्रीय स्तरमा सिर्जनात्मक लेखन, अनुवाद, भाषा सिकाइजस्ता कार्यशाला गरिने, आगामी २ वर्षमा अर्को साहित्य सम्मेलन गरिनेजस्ता ६ बुँदे निचोड प्रस्तुत गर्नुभएको कान्तिपुर अनलाइनले लेखेको छ।

    घोषणापत्र जारी गर्नुअघि स्रष्टाहरूले एसियाली साहित्य तथा संस्कृतिमाथि विविध छलफल तथा बहस गरेका थिए सम्मेलनले एसियाली मुलुकहरूबीच आपसी विचार, भावना र अनुभवको साटासाट भई एक-अर्काका साहित्यलाई नजिकबाट नियाल्ने अवसर मिलेको उप्रेतीले दाबी गर्नुभयो कार्यक्रममा पर्यटन बोर्डका प्रवन्धक सुनील शर्माले पर्यटन वर्षलाई नै लक्षित गर्दै नेपालको सांस्कृतिक, धार्मिक, प्राकृतिक सम्पदा तथा भौगोलिक अवस्थालाई समेटेर कार्यपत्र प्रस्तुत गर्नुभएको थियो। त्यस्तै पाकिस्तानका लेखक महम्मद हसन हसरतले पाकिस्तानको बल्टी साहित्य संस्कृतिलाई समेटेर 'कल्चरल हेरिटेज इन ट्रान्स हिमालयन जोन विथ रिफ्रेन्स टु बल्टी' शीर्षकमा कार्यपत्र प्रस्तुत गर्नु भएको थियो। 

पात्रो

हामीलाई साथ दिनुहोस्

समाचारहरु:
सबैभन्दा पछिल्लो सूचना नेपालका समाचार अन्य समाचार
फोटो ग्यालरी:
दृष्यावली अनुहार सँस्कृति आदान-प्रदान