तपाईँको वर्तमानस्थान:नेपाली भाषा > समाचारहरु > नेपालका समाचार > विस्तृत विषय

पुसमा 'एआई सम्मेलन'

2019-10-09 16:30:35

नेपाल सरकारको शिक्षा, विज्ञान तथा प्रविधि मन्त्रालयले पुस अन्तिम साता आर्टिफिसियल इन्टेलिजेन्स (एआई) सम्बन्धित सम्मेलन आयोजना गर्ने भएको छ। उक्त सम्मेलन हालै जारी गरिएको विज्ञान, प्रविधि तथा नव पर्वर्तन नीति अनुरुप देशभरीको विज्ञान प्रविधिको गतिविधि समेटेर तयार पार्न लागेको 'क्यालेन्डर इभेन्ट'अन्तर्गत हुने भन्दै मन्त्रालयले हालै जारी गरिएको नीतिमा उदयिमान प्रविधिहरुलाई विशेष महत्वको साथ देशको विकासमा विज्ञान प्रविधिलाई मूल प्रवाहिकरण गर्ने उदेश्य अन्तर्गत कार्यक्रमको आयोजना गर्न लागिएको बताइएको छ। विज्ञान, प्रविधि तथा नव पर्वर्तन नीति कार्यान्वयन गर्ने दिशामा एआई सम्मेलन कोशेढुंगा सावित हुने विश्वास लिएको मन्त्री गिरीराजमणि पोखरेलले बताएको कारोबार दैनिकले लेखेको छ।

विश्वमा जारी चौथो औद्योगिक रिभोलुसन अन्तर्गत एआई युगमा विश्व प्रवेश गरेको सन्दर्भमा राष्ट्रलाई त्यसतर्फ अघि बढाउने, नीति निर्मातालाई सचेत र जागरुक बनाउदै एसडिजीका लक्ष्यहरु हासिल गर्न यो सम्मेलन सार्थक हुने मन्त्री पोखरेलको भनाई छ। प्राम्भिक तयारी अनुसार सम्मेलन ३ देखि ५ दिनसम्म आयोजना हुनेछ। सम्मेलनमा सहभागी हुन विश्वभरका प्रतिष्ठित एआई विज्ञहरु नेपाल आउनेछन्। उक्त सम्मेलनमा मुलुक भित्र र वाहिरका विज्ञहरुसँगै नीति निर्माता, विदेशी संघसस्था र सरोकारवालाहरुको उल्लेख्य सहभागिता हुने जनाइएको छ। इर्मर्जिङ प्रविधिहरुमा केन्द्रित रहेर सरकारले आयोजना गर्ने यो सम्मलेन नेपालको लागि पहिलो तर उत्तिकै महत्वपुर्ण हुने अपेक्षा गरिएको छ। कार्यक्रमको तयारीको लागि संयोजनको जिम्मा मन्त्रालयका सचिव सञ्जय शर्मालाइ दिइएको छ भने सल्लाहकार समितिको अध्यक्षमा पूर्व विज्ञान तथा प्रविधि मन्त्री गणेश शाह रहेका छन्।

पात्रो

हामीलाई साथ दिनुहोस्

समाचारहरु:
सबैभन्दा पछिल्लो सूचना नेपालका समाचार अन्य समाचार
फोटो ग्यालरी:
दृष्यावली अनुहार सँस्कृति आदान-प्रदान