चिनियाँ विदेशमन्त्री वाङ यीले नेपालका परराष्ट्रसचिव शंकरदास वैरागीसँग पैचिङमा भेटवार्ता गर्नुभएको छ। पैचिङस्थित त्याउयुथाइ सभाभवनमा बिहीबार भएको भेटवार्तामा द्वीपक्षीय सम्बन्ध तथा साझा अभिरूचीका विषयमाथि छलफल भएको थियो।
नेपाल सरकारले दुई हजार, पाँच सय र दुई सयका नयाँ भारतीय नोटमा प्रतिबन्ध लगाएको छ। गएको सोमबार बसेको मन्त्रीपरिषद बैठकले नयाँ भारतीय नोट अवैध घोषणा गर्ने निर्णय गरेको हो।
विदेशी मुद्राको सबैभन्दा ठूलो स्रोत मानिने पर्यटन उद्योगमा एउटा खुसीको खबर आएको छ। चालु अंग्रेजी वर्षको पहिलो ११ महिना नेपाल घुम्न आउने विदेशी पर्यटकको संख्या १० लाख नाघेको छ। हालसम्म सबैभन्दा धेरै पर्यटक गत वर्ष आएका थिए। सन् २०१७ मा ९ लाख ४० हजार पर्यटकले नेपाल भ्रमण गरेका थिए । गत वर्षको पहिलो ११ महिनाको दाँजोमा यस वर्षको पर्यटक वृद्धिदर १६ दशमलव ९ प्रतिशत रहेको छ।
चालु आर्थिक वर्षको आर्थिक वृद्धि ६.५ प्रतिशत हुने अन्तर्राष्ट्रिय मुद्रा कोष (आइएमएफ) ले प्रक्षेपण गरेको छ। आइएमएफले यसअघि गत अक्टोबरमा विश्वको आर्थिक परिदृश्य सार्वजनिक गर्दै पाँच प्रतिशतको आर्थिक वृद्धि हुने प्रक्षेपण गरेकोमा त्यसलाई सच्याउँदै साढे ६ प्रतिशत पु-याएको हो।
चीनले केरुङ-काठमाडौं र काठमाडौं-पोखरा-लुम्बिनी रेलमार्गको अध्ययनलाई सँगसँगै अघि बढाउने भएको छ। काठमाडौंमा सम्पन्न तेस्रो नेपाल-चीन दुईपक्षीय बैठकमा चिनियाँ टोली काठमाडौं-पोखरा-लुम्बिनीलाई पनि सँगै अघि बढाउन सहमत भएका हुन्।
यस वर्षको नोभेम्बर महिनामा नेपालको पर्यटन क्षेत्रमा उल्लेख्य वृद्धि भएको छ। सन् २०१८ को प्रमुख पर्यटकीय सिजन अक्टोबर र नोभेम्बर महिनामा भित्रिएका विदेशी पर्यटकको संख्याले वर्षमा १० लाख भन्दा बढीको रेकर्ड बनाएको छ जुन गत वर्षको तुलनामा १७ प्रतिशतले बढी हो।
कीर्तिपुरको चोभारमा निर्माण गरिएको मञ्जुश्रीको मूर्तिले शोभा बढाएको छ। ढुङ्गाबाट निर्मित ३३ फिट अग्लो उक्त मूर्तिका कारण पर्यटकसमेत आकर्षित भएका छन्। निर्माण सम्पन्न नहुँदै मञ्जुश्री पार्कमा पुग्ने जो कोही उक्त प्रतिमा मूर्तिमा पुगेर सामूहिक तस्वीर खिचाउने र सेल्फीमा रमाउने गर्न थालेका छन्।
देशिक संरचनाअनुसार सबै प्रदेशलाई पर्यटन क्षेत्रमा छुट्टै ‘ब्रान्ड'ले पहिचान दिलाउने तयारी गरिएको छ। प्रदेशको पर्यटन प्रवर्द्धनका लागि ‘ब्रान्डिङ' आवश्यक भएको सरोकारवालाको भनाइ छ। अहिलेसम्म प्रदेशलाई पर्यटनको नामले चिनाउने कुनै विशेष ‘प्रडक्ट' वा ‘ब्रान्ड' छैन।
नेपाल दूरसञ्चार प्राधिकरणले सार्वजनिक गरेको प्रतिवेदनअनुसार पछिल्ला केही महिना इन्टरनेटको पहुँच मासिक एक प्रतिशतले बढिरहेको छ। प्राधिकरणले भर्खरैमात्र असोज महिनाको तथ्यांक सार्वजनिक गरेको छ। तथ्यांकले नेपालमा हाल इन्टरनेटको पहुँच ५४.५० प्रतिशत जनसंख्यामा पुगेको देखाएको छ। यसअनुसार एक करोड ५९ लाख ६३ हजारभन्दा बढी मानिसमा इन्टरनेटको पहुँच पुगेको छ।
काठमाडौंमा चलिरहेको तेस्रो दुईपक्षीय बैठकमा नेपालले अन्तरदेशीय रेलमार्गको डिपिआर तयार गर्न अनुरोध गरेसँगै चिनियाँ पक्ष यसमा सकारात्मक देखिएको हो। यसअघि नेपाल र चीनबीच उक्त रेलमार्गको पूर्वसम्भाव्यता अध्ययन प्रतिवेदन तयार गर्ने समझदारीपत्रमा हस्ताक्षर भएको थियो।
उनीहरूले भारतीयको तुलनामा नेपालको सस्तो भएको, गुणस्तरमा सम्झौता गरिएको दाबी गर्दै भारतको खाद्य सुरक्षा तथा गुणस्तर प्राधिकरण (एफएसएसआई) लाई नेपाली चिया आयातमा रोक लगाउन माग गरेको भारतीय सञ्चारमाध्यमहरूले जनाएका छन् । भारतीय चिया उत्पादकहरूले नेपाली चियाको गुणस्तर नभएको र त्यसले भारतीय उपभोक्ताको स्वास्थ्य जोखिममा परेको समेत तर्क गरेका छन् ।
संयुक्त राष्ट्रसंघीय जलवायु परिवर्तन सम्बन्धी महासन्धिका पक्ष राष्ट्रको सम्मेलन (कोप-२४) मा नेपाललगायत अल्पविकसित मुलुकले नविकरणीय ऊर्जामा लगानी बढाउन र पेट्रोलियम पदार्थको प्रयोग घटाउन ध्यानाकर्षण गरेका छन्।
