नेपाली भाषा

झुण्ड्याइने माटे बाघ

   

उत्तर-पश्चिमी चीनको पल्लो शान्सी प्रान्तमा पर्ने फंग स्याँग शहरमा उत्पादन गरिने झुण्ड्याइने माटे बाघ स्थानीय रितिस्थितिको विशेषतायुक्त सजावटको वस्तु हो। त्यो छ सेन्टीमीटरदेखि एक सय सेन्टीमीटरभन्दा बढीसम्मको फरक-फरक नापको हुन्छ। जुन हिलो माटो साँचोमा हालेर बनाइएको हो। त्यो पातलो र रंगीचंगी देखिन्छ।

झुण्ड्याइने रंगीन माटे बाघ बनाउँदा सर्वप्रथम सेतो पींधमा कालो धर्को कोरेर विभिन्न रंग लगाएर आखिरमा तेल लगाएर सिध्याइएको हो। त्यसको रुप-आकार यस्तो छ: अगाडिबाट हेर्दा एउटा बाघको टाउको, त्यसमा गोला-गोला आँखा, ठूलो कान, ठूलो मुख, उठेका आँखीभौं, फराकिलो निधार, निधारमा कोरिएको प्याउनीको फूल (कुनै-कुनैमा चिनियाँ अक्षर "वाङ्ग" पनि कोरिएको छ।) कोरिएको छ। बाघका दुइवटा कान, गाला र निधारमा स्प्रिंगले जोडिएका चरा, फूल, घाँस र मानिसहरु छन्, जसलाई हल्लाउन सकिन्छ। दुबै गालामा कोरिएका रंगीन चित्रहरुमा अनार, इस्कुस, आरुको फूल, प्याउनी र आइ छाउ भन्ने एक किसिमको घाँसजस्ता मंगलमय अर्थ दिने भनिएका बुट्टाहरु कोरिएका छन्। अनारको अर्थ बढी सन्तान पाउने, इस्कुसलाई चिनियाँ भाषामा फु शौ भनिन्छ। त्यसको भिन्नार्थ शव्द चिनियाँ भाषा "फु" भनेको सुखको आशीर्वाद दिने, आरु र आरुको फूलको अर्थ भूत-पिसाच र प्रकोपलाई भगाउने-पन्छाउने, प्याउनीको फूलको अर्थ धनी र गौरव कमाउने, आई छाउ घाँसको अर्थ विष र रोगव्याधीलाई हटाउने आदि। ती बुट्टा र धर्कोको बनौट निकै सूक्ष्मताका साथ मिलाइएको छ। कुन ठाउँ पातलो गरी कोर्ने र कुन ठाउँ बाक्लो गरी कोर्ने भनेर एकदमै उचित तरिकाले मिलाइएको देखिन्छ। ती बुट्टाको डिजाइन गर्दा सममिताकार आधारमा आंशिक सन्तुलन मिलाउने प्रयास गरिएको छ। यस चित्रमा देखाइइएको झुण्डिने बाघको रंग ताजा र उज्यालो छ। यो खुशी, मंगल र शगुनले भरिपूर्ण छ। यसबाट सुख आनन्द, चिरायु, शान्ति, लच्छिन र मंगल होस् भन्ने सुमधुर अभिलाषा यथेष्ट रुपमा अभिव्यक्त भएको छ।

झुण्ड्याइने माटे बाघ

यस चित्रमा देखाइएको झुण्ड्याइने माटे बाघको रंग गाढा र उज्यालो छ र चित्रभरि मंगलमय र लच्छिन भावले मग्नमस्त भएको छ। यसबाट लच्छिन, चिरायु, सुख, आनन्द र मंगलमयको प्रार्थना गर्ने सुमधुर चाहना पूराका पूरै अभिव्यक्त भएको छ।

समाचारहरु:
सबैभन्दा पछिल्लो सूचना नेपालका समाचार अन्य समाचार
फोटो ग्यालरी:
दृष्यावली अनुहार सँस्कृति आदान-प्रदान