नेपाली भाषा

चीनको पल्लो शान सी प्रान्तको फा मन मन्दिरको पूरातत्व कार्य

   

चीनको पल्लो शान सी प्रान्तको फु फंग जिल्लामा पर्ने फा मन मन्दिर गौतम बुद्धको वास्तविक हस्थी राखिएको प्रसिद्ध मन्दिर हो। सन 1987 को अप्रिल महिनामा केही चिनियाँ पूरातत्वविदहरुले फा मन मन्दिरको जिर्णोद्धार गर्दा स्तूपको आधार मुनि एउटा भूमिगत राज-भवन फेला पारेका थिए। सो भूमिगत राज-भवनमा सुरक्षित रहेका अमूल्य पूरातात्त्विक वस्तुहरुले विश्वलाई आश्चर्यचकित तुल्याएका छन। पल्लो शान सीमा चीनको छिन वंशको टेरा कोटा फेला पारिएपछि त्यहाँको पूरातात्त्विक अनुसन्धानको क्षेत्रमा प्राप्त भएको अर्को एउटा महत्वपूर्ण उपलव्धि ठानिएको छ।

चीनको पल्लो शान सी प्रान्तको फा मन मन्दिरको पूरातत्व कार्य

फा मन मन्दिर सी आन प्रान्तदेखि 120 किलोमिटर पश्चिमतिर पर्ने फु फंग जिल्लामा पर्दछ। त्यसको निर्माण चीनको पै वै वंश काल (सन 499 को अघिपछि) मा थालिएको थियो। सातौं शताव्दीमा चीनको थांग वंशताका फा मन मन्दिरको अवस्था एकदमै राम्रो थियो। थांग वंशकालको सरकारले ठूलो परिमाणमा घन-जनको प्रयोग गरी फा मन मन्दिरको विस्तार गर्नुका साथै अन्त्यमा चौबिसवटा चोकसहितको विशाल मन्दिरको निर्माण गरेको थियो। तिनताका फा मन मन्दिरका भिक्षुहरुको संख्या पाँच हजारभन्दा बढी थियो र यो नै त्यति बेलाको राजधानी क्षेत्रको सबैभन्दा ठूलो मन्दिर थियो।

बौद्ध धर्मको पाठ्य-पुस्तकका अनुसार, प्राचीन भारतका सम्राटले बौद्ध धर्मको प्रचार-प्रसारका लागि विश्वका विभिन्न ठाउँमा चौरासी हजारवटा स्तूपको निर्माण गरी बुद्धको हस्थीलाई बाँडेर ती स्तूपहरुमा गाडेका थिए। उनले चीनमा उन्नाइसवटा त्यस्ता स्तूपहरु निर्माण गरेका थिए। तीमध्ये फा मन मन्दिर पनि एक हो।

समाचारहरु:
सबैभन्दा पछिल्लो सूचना नेपालका समाचार अन्य समाचार
फोटो ग्यालरी:
दृष्यावली अनुहार सँस्कृति आदान-प्रदान